मंगलवार, 18 अगस्त 2015

भादो के महिना

       ।। भादो के महिना ।।
*******************
सावन के महिना सहीं,
        भादो घलो पबरित लागे।
फुलगे अंगना,चंदैनी गोंदा,
             जगमग ले जगमगागे।
रंजनी गंधा,गुलाब,मोगरा,
              महर-महर महमागे।
मिट्ठू कोयली मैना के भाखा,
           संग गाये के सुध जागे।
करमा ददरिया पनिहारिन के
          हिरदय ला सबके भागे।
नाचत बंदरिया मदारी के,
          देखत मन खुशी समागे।
रूखराई घलो झुमरत हे,
            देख नाचे के मन लागे।
गाय गरुवा के घुंघरु घंटी,
           घड़र-घड़र संग बाजे।
सुनत बंशी बरदिहा के,
        रस्ता मा घड़ी बिलमागे।
नरवा के झरझर पानी,
            देख गंगा जईसे लागे।
भजन कीर्तन भक्तन के,
         सुन दुख पीरा बिसरागे।
××××××××ק§§§§××××××××××××
रचना@श्रवण साहू
गांव-बरगा जि.-बेमेतरा (छ.ग.)
मोबा. -08085104647

कोई टिप्पणी नहीं:

एक टिप्पणी भेजें